........

... شئ مؤلم أوى إنك تكون عايش و مش عايش

... أنا طبعا مش بتكلم على أغنية عمرو دياب هنا

... و مش بتفلسف ولا حاجة

... بس بجد ده موقف صعب جدا

... لما تفقد الرغبة فى النجاح

... و تفقد الرغبة فى إنك تعمل أى حاجة

... و تفقد حتى الرغبة فى إنك تعيش

... و يبقى كل اللى حواليك فاهم إنك تمام و زى الفل و إنك مفيش حاجة مأثرة فيك

... حتى اللى قريبين منك مش فاهمين حاجة و مش حاسين بحاجة

... دايما أقول لنفسى إنهم ليهم اللى ظاهر قدامهم

... زمان .. كان فيه ناس بيحسونى

... بيفهمونى من غير ما أتكلم

... كانوا بيحسسونى إنهم مهتمين بيا بجد

... بيحسسونى إنى غالى أوى عندهم

... كان كل يوم بيعدى عليا معاهم بيعلقنى بيهم أكتر و أكتر

... و لما عرفوا إنى متعلق بيهم سابونى

... قالولى محدش قالك إتعلق بينا

... قالوا إنهم مالهومش ذنب إن أنا حبيتهم

... و وافقتهم على رأيهم علشان بحبهم

... مكنش ينفع أجرحهم و أقولهم إنهم هم اللى حببونى فيهم و كل الناس شاهدة على كده

... مقدرتش أجرحهم أو أفهمهم إنهم السبب فى كده

... لأنى بحبهم

... و المشكلة الأكبر

... إنى لسة بحبهم

... و كفاية علشان مش قادر أتكلم أكتر من كده