....... ع البحر
ع البحر كانوا الناس كتار .. تحت الشماسى مفرودين
متجمعين .. مستنيين الشمس لما تروح تنام
قصر الكلام .. أنا كنت واحد م اللى قاعدين حيرانين
ع البحر كانوا الناس كتار تحت الشماسى مفرودين
فجأة إلتقيت الموج بيعلى و خفت انا
إيه اللى خلى الموج يثور و يبلنا
قربت م الشط إلتقيت .. الموج حدف .. صندوق كبير
بفتح لقيت جواه صدف .. بين الصدف قلبى إتخطف
لما إلتقيت .. صورة حبيبتى اللى الزمن
فرقنا يوم عن بعضنا
و ده من سنين .. و ده من سنين .. و ده من سنين
مش هو ده البحر اللى علمنا الهوا
و ف حضنه عشنا انا و حبيبتى سنين سوا
معقولة ده البحر اللى كان بيضمنا
معقولة خان .. أجمل سنين من عمرنا
ماهو للأسف .. خانى و خطف
من بين إيديا حبيبتى و الموج شدها
لكنه فاتلى منها
... صورة و حنين
... و ده من سنين
... و ده من سنين
.............
... دى أول أغنية عرفت إن هى بتحبها
... لسة فاكر اليوم ده لحد النهاردة
posted by Sameh Shokry at
6:41 AM
0 Comments:
Post a Comment
Subscribe to Post Comments [Atom]
<< Home